ကိုယ့်ဒုက္ခ ကိုယ်ရှာ ဒုက္ခိတဖြစ်နေသူ
hive-122133·@ansoe·
0.000 HBDကိုယ့်ဒုက္ခ ကိုယ်ရှာ ဒုက္ခိတဖြစ်နေသူ
အားလုံးသော မိတ်ဆွေအပေါင်း မင်္ဂလာပါ..... ဘင်္ဂလားပင်လယ်အော်က မုန်တိုင်းရှိတဲ့အတွက် မြန်မာနိုင်ငံနေရာအတော်များများမှာ မိုးရွာနေတယ်လို့သိရတယ်။ ကျုပ်တို့ဆီမှာတော့ မိုးတဖြောက်ဖြောက်ကျနေတာ နှစ်ရက်နဲ့တစ်ည ရှိသွားပြီ။ မိုးရာသီမှာ မိုးကောင်းကောင်းမရွာခဲ့ပါပဲနဲ့ ဆောင်းဦးကာလရောက်မှ မိုးရွာတော့ တစိမ့်စိမ့်နဲ့ အအေးဓာတ်က နှိပ်စက်နေသဗျ။ နေလုံးကို တိမ်ထုကြီးက ဖုံးကွယ်ထားတဲ့အတွက် နေရောင်မမြင်ရတာ နှစ်ရက်ရှိသွားပြီပေါ့ဗျာ။ ___________  ____________ ရေးချင်တာက မိုးအကြောင်းမဟုတ်ပေမယ့် ကြုံကြိုက်လို့ထည့်ရေးတာပါ။ ကမ္ဘာပေါ်မှာ အချို့လူတွေက ကိုယ့်ဒုက္ခကိုယ်ရှာပြီးတော့ ဒုက္ခိတဖြစ်နေကြတယ်။ အများအားဖြင့်ကြည့်လိုက်ရင် ထူးဆန်းအံ့ဩဖွယ်ဖြစ်နေတတ်ကြတယ်။ အဲဒီလိုလူတွေက ဘယ်သူ့အတွက်မှ အကျိုးမပြုသလို သူတို့အတွက်လည်း ဘာမှအကျိုးမဖြစ်တာကို မြင်မိတယ်။ ________  ________ ကမ္ဘာ့ ဆံပင်အရှည်ဆုံးလူသားတို့ လက်သည်းအရှည်ဆုံးလူသားတို့ စသည်ဖြင့် ဂရင်းနစ် စံတော်ချိန်တင်သွားကြတဲ့လူအချို့ကို ဆိုလိုတာပါ။ မရိုးမသားဘက်မလိုက်ပဲ အမှန်အတိုင်းစဉ်းစားကြည့်ပါ။ ဆံပင်အရှည်ဆုံးဆိုတဲ့လူတစ်ယောက်ရဲ့ ဆံပင်ကို ထိန်းသိမ်းရမယ့်ဒုက္ခ၊ လက်သည်းအရှည်ဆုံးဆိုတဲ့လူရဲ့ ကွေးကွေးကောက်ကောက်လက်သည်းတွေကို ထိန်းသိမ်းရတဲ့ ဒုက္ခကိုတွေးကြည့်ပါ။ ________  _________ ဆံပင်အရှည်ဆုံးလူသားက လူသားတွေရဲ့အကျိုးကို ဘယ်လိုများအထောက်အကူရသလဲ။ လက်သည်းအရှည်ဆုံးလူသားကရော သူ့ထမင်းဟင်းတောင် ကောင်းကောင်းစားနိုင်ရဲ့လား။ ကိုယ့်ဒုက္ခကိုယ်ရှာနေတဲ့သူတွေပဲလို့မြင်မိတယ်။ ဘယ်သူ့မှအထောက်အကူမပေးနိုင်တဲ့အပြင် သူတို့ကိုတောင် အခြားလူအနည်းဆုံး တစ်ယောက်လောက်က အကူအညီပေးနေကြရအုံးမယ်ထင်တယ်။ _______  ________ ဒီလိုဘာမှ အကျိုးမပြုတဲ့သူတွေကို မှတ်တမ်းတင်နေကြတဲ့သူတွေကိုလည်း အံ့ဩမိပါရဲ့။ မှတ်တမ်းတင်သင့်တာတွေ လူအများရဲ့အကျိုးဖြစ်စေတဲ့အရာကို တီထွင်ဆန်းသစ်ပြီး အကျိုးပြုသူကို မှတမ်းတင်တယ်ဆိုတာကမှ ဟုတ်ပါသေးတယ်။ ရူးကြောင်ကြောင်အတွေးနဲ့ ရူးကြောင်ကြောင်အလုပ်က ဘယ်သူတွေကို အထောက်အကူရလို့ မှတ်တမ်းတင်သလဲတော့ နားမလည်နိုင်ပါဘူး။ စိတ်ထဲဘဝင်မကျလို့ တင်ပြဖို့ စာအဖြစ်ရေးလိုက်တာဖြစ်လို့ မတိုက်ဆိုင်ခဲ့ရင် ခွင့်လွှတ်ကြပေတော့ဗျို့။ __________ **သတ္တဝါအားလုံးတို့သည် မိမိပြုသော ကောင်းမှု မကောင်းမှုသည်သာ ကိုယ်ပိုင်ဥစ္စာ ရှိကြကုန်၏။** ___________ အားလုံးကို လေးစားလျှက် - ____________ ## @ansoe  (ပုံတွေနဲ့ စာနဲ့တော့ သက်ဆိုင်မှုရှိမှာမဟုတ်ပါ။ အခြားသူတွေရံ ပုံကို ယူမသုံးချင်လို့ ကိုယ့်မှာ ရှိတဲ့ပုံနဲ့ တင်လိုက်ရခြင်းဖြစ်ပါတယ်။)
👍 dhedge.pob, dhedge.bonus, dhedge.waiv, dhedge.neoxag, dhedge.alive, dhedge.oneup, redes, kaunglay2, naythan, ansoe, heinkhantmaung, lwinlwinmyint, team, golden.future, myanmarkoko, aggamun, sawlwin, htwegyi, princekham, snowwhite23, nyinyiaung1248, melinda010100, rt395, good-karma, esteemapp, esteem.app, ecency, ecency.stats, drwom, ahmadmangazap, dbuzz, dpservice, bilpcoinbpc, richardslater, bvrlordona, thehivemobileapp, iptrucs, atongis, photographercr, kachinhenry, waivio.welcome,