ကျွန်တော်တို့တွင် မရပ်တန့်နိုင်သော အတွေးများစွာရှိသည် ။ အခြားသူများ ဘယ်လိုရှိတယ်တော့ လိုက်မစုံစမ်းထားပါ ။ သို့သော် အခြားသူ အများစုလဲ ကျွန်တော့်ကဲ့သို့ပင် ရှိနေလိမ့်မည်ဟု ထင်မိပါသည် ။ ကျွန်တော်ကတော့ အချိန်တိုင်း တစ်ခုခုကို စဉ်းစားနေမိသည် ။ ဘာကြောင့်ရယ် မသိ စိတ်ကတောင်ပြေးလိုက် မြောက်ပြေးလိုက်ဖြင့် အတွေးတို့သည် မရပ်တန့်ဘဲ တစ်ခုပြီး တစ်ခုဖြစ်နေပါသည် ။ ထို့ပြင် ထူးခြားသည်မှာ တွေးနေသော စိတ်ကလေးမှာ တစ်ခုတည်းမဟုတ် နောက်တစ်ခုကပါ နောက်က လိုက်နေပြန်သည် ။ ထိုသို့ လိုက်နေသည်ကို အရာတစ်ခုတည်း အပေါ်မှာ အာရုံစိုက်ကြည့်သည့် အခါမျိုးတွင် ပိုသိသာသည် ။ 

<center>
![thinnnk.jpg](![question_question_mark_help_response_symbol_icon_characters_problem-1403209.jpg](https://cdn.steemitimages.com/DQmdNWDy3Echab1Gkv96AvP41xPQxmWAZKc4HgrK5MjFFsy/question_question_mark_help_response_symbol_icon_characters_problem-1403209.jpg))
<sub> [Image source](https://pxhere.com/en/photo/1403209) </sub>
</center>



ကျွန်တော်တို့သည် မြန်မာလူမျိုးများဖြစ်ကြပါသည် ။ မြန်မာလူမျိူးများ  ဖြစ်သည့်အတိုင်းမြန်မာ စကားဖြင့်ပြောကြသည် ။ ထို့ကြောင့်ဖြစ်မည်ထင်သည် စိတ်ကနေ အတွေးတွေတွေးတိုင်း စကားလုံးများဖြင့်သာ ဖြစ်သည် ။ မြန်မာ စကားလုံးများဖြင့် စီကာတွေးနေတတ်သည် ။ အခြား ဘာသာစကားတစ်ခု အသုံးပြုသူများ တွေးတောလျှင် အခြားဘာသာစကားတစ်ခုနှင့် တွေးတောကြလိမ့်မည် ထင်ပါသည် ။ ဘာသာစကားမတတ်သူများ ဖြစ်လျှင်ရော သူတို့ အတွေးမှာ မည်သို့ ရှိမည်နည်း ဆိုသည်ကိုတော့ မသိပါ ။ သို့သော် သူတို့လည်း အစဉ်မပြတ်သော အတွေးများ ရှိနေကြလိမ့်မည်ထင်ပါသည် ။ 

<center>
![thinking.jpg](https://pixabay.com/get/ea36b40d21f6053ed1534705fb0938c9bd22ffd41cb2104196f3c67caf/thinking-3352924_1920.jpg)
<sub> [Image source](https://pixabay.com/en/thinking-idea-creativity-innovation-3352924/) </sub>
</center>



ငယ်စဉ်အခါက ဘာမှ မသိသေးခင် တွေးခဲ့သော စဉ်းစားခဲ့သော စဉ်းစားပုံများကို ကျွှန်တေ်ာမမှတ်မိတော့ပါ ။  သို့သော် ထိုသို့ ဘာသာစကားမလိုတဲ့ အတွေးများကို တွေးဖူးကြမလားမသိပါဘူး ။ ကျွှန်တေ်ာတော့ သိတတ်ပြီးချိန်နောက်ပိုင်း တွေးဖူးခဲ့ပါသည် ။ ဦးနှောက်သည် အိပ်နေသော အချိန်တွင်တောင် အလုပ်လုပ်သည်ဟု ဆိုကြပါသည် ။ စိတ်၏ လျှင်မြန်မှုသည်လည်း စက္ကန့်ပိုင်းလေး အတွင်းမှာပင် များစွာ ဖြစ်ပျက်သည်ဟု မှတ်သား ဖူးပါသည် ။ ကျွန်တော် လှေကားပေါ်မှ ပြုတ်ကျစဉ်က ထိုသို့ လျှင်မြန်သော အတွေးများ ဖြစ်ခဲ့ဖူးသည် ။ လှေကား ပေါ်မှာ ပြုတ်ကျရာတွင် တစ်ထစ်ချင်းကျသည်မဟုတ် လှေကားဘေးမှ ပြုတ်ကျသည် ဖြစ်ရာ အပေါ်မှအောက်ခဏလေး ဖြစ်ပြီး မြန်ဆန်လွန်းသည် ။ ထိုခဏလေးအတွင်းတွင်ဘာလုပ်ရမလဲ ဘာဖြစ်သွားလဲ အစရှိသဖြင့် များစွာသော အတွေးများကို တစ်ပြိုင်နက် စဉ်းစားမိခဲ့ဖူးသည် ။ 

ထိုကဲ့သို့ ဖြစ်စဉ် ကဲ့သို့အခြား ဖြစ်ဖူးသည်များလဲ ရှိခဲ့ပါသည် ။ ထိုသို့ ဖြစ်စဉ်များတွင် စကားလုံးများဖြင့် စဉ်းစားနေချိန်မရတာကြောင့်လားမသိပါ စကားလုံးများမပါ သည့်အပြင် အလွန်လျှင်မြန်လှသည်  ။ ကျွန်တော်ခုလောလောဆယ်တော့ စာရေးရဖို့ စကားလုံးလေးတွေ စီပြီး စဉ်းစားတွေးတော နေပါသည် ။ ဘယ်သူတွေမှာ ဘယ်လို အတွေးတွေ ရှိသလဲ မန့်မှာ ကြည့်ပါရစေဗျာ ။  ။


MSC - 9


@domelay (အတွေးမျှင်လေးများ)