အချစ်
hive-122133·@htwegyi·
0.000 HBDအချစ်
 "အချစ်လား သူဖျားနေတယ်" ဖော်ပြပါစကားလုံးသည် ငယ်စဉ်ကဖတ်ခဲ့ဖူးသည့် ဝတ္ထုစာအုပ်ထဲမှဖြစ်သည်။ စာအုပ်ခေါင်းစဉ်လား၊ စကားပြောသည်ကို မှတ်သားထားဘူးသည်လားမသိပါ။ ထိုသို့သောစကားလုံးကို သာဓု၏ သားများ ဖြစ်ကြပါသော မောင်ဝဏ္ဏ၊ မင်းလူနှင့် သုမောင် တို့၏စာအုပ်များမှ ဖြစ်မည်ဟု ခန့်မှန်းရပါသည်။  သူရို့ ညီအကိုများက အနုပညာမျိုးရိုးလိုက်ကြသည်။ သူရို့၏ ရုပ်ရှင်၊ စာပေ အစရှိသည်အနုပညာများကို ကျွန်တော်က ကြိုက်နှစ်သက်ခဲ့သည်။ မောင်ဝဏ္ဏ၏ ခုနစ်စဉ်အလွမ်း ရုပ်ရှင် ကြိုက်သည်။ မင်းလူ၏ ဝတ္ထု များကို ကြိုက်နှစ်သက်ခဲ့သည်။ သုမောင်၏ သီချင်းနှင့် အကြင်တို့လင်မယား ရုပ်ရှင်ကားကို ကြိုက်ခဲ့သည်။  အချစ်ဆိုတာ လူသားတို့အတွက် မပါမပြီးသည့် အရာကြီးဖြစ်သည်။ ဟယ် လူကြီးက ကြီးမှ အချစ်အကြောင်းတွေရေးနေတယ် လို့ မပြောရဘူးနော်။ အချစ်ဆိုတာ ကြီးငယ်မရွေး၊ အရွယ်သုံးပါးမရွေး သုံးတတ်ရင်ဆေး၊ မသုံးတတ်ရင်ဘေးဖြစ်သည်။ အချစ်ဆိုတာဆေးခါးကြီးဖြစ်သည်။  အက်လယ် ဆေးခါးကြီးတဲ့။ ဟိုက်ပရိတ်သတ်တို့ သောက်ဖူးကြသလား။ ဆေးခါးကြီးဆိုတာ ဘယ်လိုဟာလဲ သိချင်ကြသည်။ စမ်းချင်ကြသည်။ ကိုယ်တွေ စဉ်းစားမိသည်။ ဆေးခါးကြီးပါဆိုမင့် အတော်ခါးမည့်သဘောပ။ သောက်ဖူးလို့လား ဆိုတော့။ မမဆောင်းစကားလို။ သောက်ဖူး သလိုလို၊ မသောက်ဘူးသလိုလို လိုလိုပါပဲ။  အချစ် တဲ့ ခေါ်လို့တော့ ကောင်းသား။ သို့ပေသိ သူက သူ့ကို ထိတွေ့သူတိုင်းအား အရသာ အမျိုးမျိုးပေတတ်သာလား။ ဟ လုပ်စမ်းပါအုံး ဘယ်လိုအရသာများတွေ တောင်လဲ ဟုမေးလားပါရင်။ သိ ဘူး။ ကိုယ်တိုင် အချစ်နဲ့ ထိပ်တိုက်တွေ့ပြီး လက်တွေ့ရယူကြည့်ပါလို့သာ 😁။ @htwegyi 11-4-2022