Facebook Account ကို Hack ခံလိုက်ရတာတွေ၊ တယောက်ယောက်ကို ကိုယ့် Password ပေးမိသွားပြီး အဲ့ဒီပေးလိုက်တဲ့သူက ကိုယ့် Account ကို ယူသွားတာတွေက နေ့စဉ်ပတ်ဝန်းကျင်မှာ ကြုံတွေ့နေရတာကို လူတိုင်းသတိထားမိမှာပါ။ အဲ့ဒီအတွက် Facebook က ပိုပြီး စိတ်ချရအောင် Two-Factor Authentication Feature ကို ထည့်သွင်းထားပေမယ့် အသုံးပြုသူတွေနည်းပါးနေသေးပါတယ်။
![IMG_20180718_083002.jpg](https://cdn.steemitimages.com/DQmcHXz74U2NAniseqgP4REK2iBoxzaAvUbTbdokigM6UTn/IMG_20180718_083002.jpg)
အခုလိုမျိုး Facebook Account ကို Two-factor Authentication မလုပ်ထားတာက ကိုယ့် Facebook Account ဝင်ထားတဲ့ ဖုန်းကို တယောက်ယောက်ပေးသုံးမိတာ၊ Facebook Account ဖွင့်ထားတဲ့ Gmail ကို ပြောမိတာကနေ ကိုယ့် Account ကို Hack ရဖို့ အခွင့်အလမ်းကိုပိုပြီးများစေပါတယ်။ အဲ့ဒီအတွက် Two-factor Authentication က လူတိုင်း အသုံးပြုသင့်တဲ့ Feature တစ်ခုဆိုရင်လည်းမမှားပါဘူး။

ဒါပေမယ့် Two-factor Authentication ကို ဘာလို့ အသုံးမပြုကြတာလဲဆိုရင် ယခင်က Facebook မှာ Two-factor Authentication အတွက် ဖုန်းနံပါတ်ကို ထည့်သွင်းထားဖို့ လိုအပ်ပြီးတော့ ကိုယ့် Account ကို ဝင်ရောက်တဲ့အချိန်မှာ ထည့်သွင်းထားတဲ့ ဖုန်းနံပါတ်ကို Verify Code ပို့ပေးတာဖြစ်ပါတယ်။ အဲ့ဒီအတွက် ဖုန်းနံပါတ်အမြဲပြောင်းနေတဲ့သူတွေအဆင်မပြေသလို တခါတလေမှာ ဖုန်းနံပါတ်ထဲကို Verify Code တွေမဝင်လာတာဖြစ်တတ်ပါတယ်။ အဲ့ဒီအချက်တွေကြောင့် Two-factor Authentication က အသုံးပြုသင့်ပေမယ့် အသုံးပြုမှုနည်းပါးနေတာလည်း ဖြစ်ပါတယ်။![IMG_20180718_083017.jpg](https://cdn.steemitimages.com/DQmY8Un3o8jttYDQgKPNtS8vP2V8ggMhS7J9a7TPgvbFtpg/IMG_20180718_083017.jpg)

ဖုန်းနံပါတ်နဲ့ Two-factor Authentication မလုပ်ဘူးဆိုရင် ဘယ်လိုမျိုး Verify Code ကို ရယူမလဲလို့ မေးစရာရှိပါတယ်။ အဲ့ဒီအတွက်ကတော့ Authenticator App တွေဖြစ်တဲ့ Google Authenticator ၊ Microsoft Authenticator App တွေနဲ့ ချိတ်ပြီး အသုံးပြုရမှာပဲဖြစ်ပါတယ်။ အဆိုပါ Third-party App နဲ့ Two-factor Authentication စနစ်က ယခင်ထဲက အသုံးပြုနိုင်နေတာဆိုပေမယ့် ယခင်တုန်းက ဖုန်းနံပါတ်ကို မဖြစ်မနေထည့်သွင်းထားဖို့ လိုအပ်ခဲ့တာပါ။

အခုလိုမျိုး Facebook Account ကို App နဲ့ Two-factor Authentication ပြုလုပ်ထားတာက SMS Code ကိုစောင့်နေတာထက် ပိုပြီး စိတ်ချရသလို Verification Code ကလည်း Third-party Authenticator App တွေမှာ အမြဲပြောင်းလဲနေတဲ့အတွက် SMS လိုမျိုး ကိုယ့် Verify Code က Messages Inbox ထဲမှာ ကျန်နေမှာမဟုတ်တော့ပါဘူး။

အခုလို App နဲ့ Two-factor Authentication လုပ်ထားချင်တယ်ဆိုရင်တော့ Setting – Security & Login မှာ ပြုလုပ်နိုင်ပြီးတော့ ကိုယ့် Facebook Account ကို လုံခြုံစေချင်တယ်ဆိုရင် ကျိန်းသေပေါက်ဆောင်ရွက်ထားသင့်ပါတယ်။
[SOURCE](https://m.facebook.com/story.php?story_fbid=2140915912852641&id=1546624012281837)
[PHOTO](GOOGLE.COM)