တချို့လူတွေရဲ့ အချိန်ဟာ ကိုယ်တွေရထားတဲ့အချိန်နဲ့ တန်းတူ ညီမျှတဲ့အချိန်ကာလ တောင်ဟုတ်ပါ့မလားလို့ တစ်ခါတစ်လေတွေးမိတယ်။
တကယ်တော့ အချိန် ဆိုတဲ့ နာရီ ရက်လ ဆိုတာတွေကလည်း နှိုင်းယှဉ်သတ်မှတ်ချက်ပဲမဟုတ်လား။ အာကာသထဲသွားနေသူရဲ့ အချိန်နဲ့ ကမ္ဘာမြေကလူရဲ့ အချိန်ဟာ မတူဘူးဆိုသလို ကမ္ဘာမြေပေးမှာ ရှိနေတဲ့သူတွေချင်းရော တကယ်အချိန်တူတယ်မတူဘူးဆိုတာကို အတော်စဉ်းစားနေမိပြီးတော့ သက်သေလည်းခုထိပြလို့မရဘူး။

အချို့လူတွေ စာအုပ်တွေတအုပ်ပြီးတအုပ် ထုတ်ဝေနိုင်နေချိန်မှာ ကိုယ်က စာအုပ်တစ်အုပ်တောင် မဖတ်နိုင်တာမျိုး။
ကိုယ်က အခြားအလုပ်တွေလုပ်နေလို့လားဆိုတော့လည်း အဲ့ဒီစာအုပ်ရေးနေသူတွေမှာ လည်းသူလိုကိုယ်လို ဘ၀ ရပ်တည်ရေး အချိန်ပေး လှုပ်ရှားနေသူတွေပဲ။ တချို့ဆို သာမန်ဝန်ထမ်း လောက်မက စီးပွားရေးလည်း လုပ်သေး။ 
ကိုယ့်တနေ့တာ ကုန်ဆုံးမှု နဲ့ သူတိုကတနေ့တာကုန်ဆုံးမှု မတူညီအောင်သူတို့ကပိုအသုံးချနိုင်တယ်ဆိုတဲ့အဖြေပဲလူတိုင်း ပေးကြမှာမှန်ပေမဲ့ ကိုယ့်အတွက်တော့အဲ့ထက်မကတဲ့ လျှို့ဝှက်ချက်တစ်ခုရှိနေဦးမယ်လို့ ထင်နေမိတယ်။
သက်သေတော့မပြနိုင်ဘူးပေါ့။ သက်သေဆိုတာကလည်း ကိစ္စရပ်တိုင်းမှာ သက်သေရှိနေတာ မဟုတ်ဘူးရယ်။
အချို့ကိစ္စရပ်တွေက ချက်ချင်းသက်သေ မပြနိုင်သေးတာရှိတတ်တာပဲလေ။ သီအိုရီ အဆင့်မှာတင် နှစ်ပေါင်းများစွာကြာနေတတ်သေးတာ။ တစ်ခါတစ်လေ အတွေးတွေဟာ သီအိုရီအဆင့်မရောက်ခင်ပျက်ပြယ်သွားတာလည်းရှိကောင်းရှိပေမပေါ့။

တချို့ရဲ့ သက်တမ်းဟာ နှစ်ပေါင်း ၈၀ လောက်အထိနေခဲ့ရပေမဲ့ သူကတကိုယ်စာအပြင်ဘာမှ မထူးခြားတာလည်းရှိသလို တချို့ရဲ့ နှဏ်ပေါင်း ၂၀ လောက်ဟာ နှစ်ပေါင်း ထောင်ချီအထိ အရှိမကုန်ဘဲ ဆက်သွားနေနိုင်မဲ့ လုပ်ရပ်ကြီးတွေကို တည်ဆောက်အုတ်မြစ်ချသွားနိုင်ကြတယ်။

တစ်ခါတစ်လေ ဒီလူတွေကိုအားကျပေမဲ့..............

တစ်ခါတစ်လေကျတော့လည်း အများအတွက် ဘာမှ ခူးခြားတဲ့သူအဖြစ်မဟုတ်ဘဲ ကိုယ့်ဘာသာ တကိုယ်ထဲမွေးလာ။ 
လူမသိသူမသိဘ၀ကိုပုံမှန်လေးဖြတ်သန်းပြီး သမိုင်းစာမျက်နှာထက် မတင်ဖြစ်ဘဲ သေသွား၊ပျောက်ကွယ်သွားတာကလည်း တစ်မျိုး အေးချမ်းတယ်လို့ ယူဆမိပြန်ပါတယ်။

Kyaw Thu Ra
MSU - 056

[Photo Source](https://www.newscientist.com/article/mg23831740-200-quantum-time-is-this-where-the-flow-of-existence-comes-from/)

![Quantum time.jpg](https://cdn.steemitimages.com/DQmTAyrk2cmWCf9KEZXgmV62MqfUJ118WCcHLoL9vENw2yo/Quantum%20time.jpg)